孫耀威撞破Macy嗒鮮肉

上月底完成婚禮的孫耀威(Eric)與陳美詩(Macy)向來恩愛,但已為人妻的Macy自爆前晚獲安排與健碩小鮮肉拍MV,Eric在深夜時分探班,他否認去監場,但呷醋說:「我去到咁啱佢哋就要拍場纏綿戲,我諗我留咗3分鐘就走,因為個男主角喺度滴汗!我又唔會阻佢哋Happy嘅,但我點咗佢相o架喇!」他表面上打爛醋埕,實則很疼錫Macy,昨日就帶她到求婚鑽戒品牌Darry Ring(DR鑽戒)銅鑼灣專門店,選購總值40.5萬港元的「Lock Me」系列鑽飾,又Sweet爆表示容許她鎖住自己,狂放閃光彈!

此外,提到兩人之前到北京做節目兼首次合唱,Eric坦言心情極度緊張:「第一次有手震嘅感覺,因為唔係淨係緊張自己,仲要緊張佢,好彩一切順利!」問到可會再次夫妻檔演出?他說:「我唔太想,因為希望同佢係去吃喝玩樂,做放鬆啲嘅嘢。」