- on.cc 東網主頁
- 3月30日 (日)
古天樂與林家棟等主演的新戲《殺破狼．貪狼》前晚假九龍塘舉行群星特別場，有份參演的陳漢娜及嘉賓唐文龍、梁敏儀、梁小冰和邵音音等撐場。唐文龍對於被傳避見好友劉永健，以免再被傳同性戀，他直認不諱：「係，我同劉永健真係冇再出嚟嘞，大家有一齊合作做生意，兄弟在心中，唔出嚟冇問題，佢同我一樣想搵女友，唔好再有新聞，希望大家筆下留情。」他自爆其實年多前有拍拖，七年前在北京亦有女友：「係想有個伴。（父母冇介紹？）坦白講，我鍾意後生嘅，廿幾三十歲，呢個年齡層佢哋介紹唔到。」
同場的梁敏儀透露忙於與伍允龍拍攝內地科幻網劇，日前發現手指頭腫脹，求診後證實生水瘤：「醫生話擔心就做手術，咁啱伍允龍要去美國宣傳，我咪爭取時間入院囉，依家唔知疤痕幾時退。」稍後她將演出另一齣由王晶負責的無綫賭劇：「當年參選港姐後，都冇幫無綫拍劇。今次我扮演一個五、六十年代女星，會同李施嬅比較多對手戲，可以過戲癮。」
文：影視組
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
