1球贏東方龍獅傑志攞頭威
新一季「中銀人壽香港超級聯賽」揭幕戰昨於旺角場上演，重演去季收鑼戰戲碼，上季冠軍傑志憑前匈牙利國腳華杜斯於下半場一箭定江山，以1比0小勝東方龍獅，令宿敵無法一雪去季落敗之恥。
兩隊爭標分子於揭幕戰碰頭，場上火藥味十足，單是上半場已出現4張黃牌，東方龍獅的白鶴開賽僅5分鐘便因兇狠攔截華杜斯領黃牌。傑志於比賽初段不乏攻勢，林恩許於8分鐘乘對手解圍不遠近門起腳高出。13分鐘，金奉珍於離門30碼施冷箭亦僅告高出。東方龍獅上半場中段開始發力，成功製造入球機會，期間鞠盈智兩度於右路傳中，以及羅港威把握王振鵬接應回傳甩手後將球橫傳禁區內，惟勞高攻門始終未能命中目標，半場雙方踢成0比0。
兩隊於半場前後分別「食詐胡」，傑志有盧卡斯入球被判越位在先，羅港威的入球則被球證認為勞高於邊線傳中時皮球已經出界，於是判處無效。「藍鳥」戰至70分鐘打破僵局，華杜斯把握敵衞解圍不遠，射成1比0。傑志領先後攻勢浪接浪，先有盧卡斯於75分鐘左路窄角度抽射被救出，後備上陣的辛祖則於完場前有兩度近射，不過未能增添紀錄，最終主隊亦保住1比0戰果至完場。
司徒文俊：輸得唔抵
傑志主教練朱志光賽後表示，對球隊表現感滿意︰「舊年足球明星選舉得票最高嘅費蘭度同辛祖冇正選上陣，以季初而言，球隊表現算不錯。足球比賽嚟講，唔應該同舊年比較，咁樣會對球員唔公平。」「朱Sir」又對新援盧卡斯的表現給予正面評價︰「盧卡斯喺對抗性方面，為對手帶嚟唔少威脅，亦製造咗唔少機會。」
東方龍獅總教練司徒文俊則認為球隊「輸得唔抵」︰「戰況係五五波，球隊甚至反客為主，其實近兩三年已經好少見到傑志踢得咁狼狽。某程度上球隊係成功嘅，但可惜戰果上失敗咗。球隊好似鞠盈智、麥基同勞高都做到部署，但係埋門同較為細緻嘅攻勢方面，可以做得更好。」
文：何彥霆
圖：司徒子文