黎諾懿遇爆炸食波餅定驚

黎諾懿、湯洛雯（靚湯）、張頴康與吳沚默等，前日在九龍灣為無綫新劇《燦爛的外母》拍攝一場重頭戲，劇情講述黎諾懿身處的工廈迷你倉發生大爆炸，現場傳出巨響更爆出火球，玻璃散滿一地，死裏逃生的黎諾懿乘機向靚湯求婚，她感動答應之餘，更衝上前抱住黎諾懿，激動地多次胸壓對方，其中一場戲，二人更不慎面撞面，但他們都表現專業，未有尷尬！

湯洛雯怕受傷

事後接受訪問時，靚湯表示沒有被爆破場面嚇親，因為已投入情緒，但亦擔心玻璃碎濺出。黎諾懿則表示在工廠區拍爆破戲近年少有，並說「好好彩」，他說：「真係有工廠可以暫時借出場地，仲要係真爆，令場戲好有氣氛，好Feel到感覺。呢場戲都拍咗兩日廠景，好似災難片咁，導演出動咗40樽爽身粉同芝麻粉，成樽咁灑，現場乜都睇唔到，我就拍到成口都係！」

工廠爆炸一刻，湯洛雯等演員嚇到O晒嘴！	變了污糟貓的黎諾懿，與湯洛雯零距離攬攬，艷福不淺。	黎諾懿執番條命，即時向湯洛雯求婚。

當日亦有前往探班的靚湯笑說：「我以為拍緊喪屍片，成件事好生化危機，工作人員戴晒防毒面具！諾懿堅持唔用替身，佢隻腳都傷咗幾個月。」黎諾懿坦言要趁後生搏命，問到有意兩年內追個女的他是否要「錫住條腰」？他笑說：「唔驚，有個仔做樁！我諗都要向張頴康取經，學佢湊個『好』字。」

文：影視組