翟威廉「紅燈區」搞生意搵客
翟威廉昨日與林師傑、菊梓喬（HANA）、周志康及譚嘉儀等出席「big big voice大聲作樂」記者會，翟威廉日前被本報拍得搬到旺角砵蘭街，他承認以300多萬購入300多呎單位作錄音室，預計會做音樂及製作。問到為何有靚屋不住？他坦言為夢想：「兩邊住啦！旺角係一個玩音樂嘅地方。」提到該處是紅燈區，他表示不介意，指該處是商住大廈，比他想像中舒服，又承認之前帶劉佩玥等上錄音室做直播。至於會否投資成生意，他相信公司會幫他搵客。
林師傑女友歐陽巧瑩日前響應「世界無胸罩日」大騷半「球」，他稱初頭不贊成，擔心她會被指「標奇立異」，經對方解釋後才支持。問女友在家是否同樣坦蕩蕩？他說：「成日都叫佢唔好咁，不過屋企應該Relax！（睇到厭？）點會呀！」林師傑透露將為劇集《特技人》拍攝除衫戲，找來營養師及兩個導師助他操練，八日瘦五公斤。
此外，HANA近日唱了三首電視劇主題曲，她否認取代吳若希做星夢一姐，坦言唱主題曲是小時候的夢想，很開心公司畀機會。