20歲o靚模麥紫莉為搵快錢將到日本拍攝AV，報道一出成全城熱話！不過，圈中性感女星對此事顯得抗拒，黃榕更「直斥其非」說：「我就接受唔到嘞，佢咁樣做咗個壞榜樣，好核突呀。我雖然行性感，但係健康嗰隻，底線唔會拍色情露點戲，佢仲誇張到話打真軍，我一定接受唔到。（畀人撩過拍AV？）去日本旅行喺涉谷行，有色情舖頭嘅人攞住卡片問我有冇興趣拍，我當然冇理啦。」
至於崔碧珈亦坦言：「我睇過報道，知嗰個女仔嘅屋企情況嚴重，可能有經濟困難，每個人行嘅路都唔同，冇話啱定錯嘅，最緊要唔係為錢去做一啲自己唔鍾意嘅嘢，如果本身鍾意拍AV就冇問題，仲敬業樂業添，但一定唔好做傷害自己嘅嘢。」又指自己與家人都未能接受拍AV。