《閨蜜睡房》:女生的秘密! 黎美言晚晚碌胸

前組合HotCha成員黎美言(Winkie),日前亮相東網巨星節目「海馬牌床褥特約」《閨蜜睡房》擔任嘉賓,身為單身貴族的Winkie直言桃花旺盛多人追,更向節目主持李惠儀(Kiwi)搞笑自爆遇上不少「勢利」的追求者,令她氣結:「我試過遇上一種男仔係我最唔開心嘅,我鍾意食嘢,會時肥時瘦,咁可能我嗰期肥咗,啲男仔(追求者)就會突然消失!即係WhatsApp或者Facebook明明不嬲都有關注,但我肥咗嗰期影啲相唔夠靚呢,可能佢就會成個人消失!之後到我瘦番,塊面尖番同靚咗,再Post啲自拍相出嚟,佢哋就突然出現番叫我take care囉!」

瞓覺大髀要夾嘢

Winkie笑言臉蛋肥瘦會影響追求者數目,故落力保持靚樣及身形,做好自己。在節目中,她拿出晚晚必用的美容棒,即場示範豐胸大法:「我真係日日碌o架!因為我鍾意食辣同鹹嘢,成日都會水腫,如果頭痛可以碌個頭,想豐胸就可以碌個胸!」Winkie又大方分享「床前小秘密」,自言相當缺乏安全感:「瞓覺我鍾意夾住條攬枕喺大髀度瞓,係安全感嘅問題,即係我大髀一定要夾住嘢先瞓到!」

文:影視組