蔡一智腰傷未愈冇得抱囝囝
組合草蜢昨日到鰂魚涌出席開幕活動，蔡一智早前於紅館遇冧台意外致尾龍骨受傷及肋骨移位，活動上見他行動自如，但在攀石牆拍照後需要人扶。阿智說：「原本諗住今日爬畀大家睇，但依家唔得，希望好快可以好似蜘蛛俠咁三秒爬上天花板。（痛？）唔郁到佢就唔會痛，始終骨需要時間，唔似皮膚咁易埋口。」他強調已經很努力，因7月22日會在新加坡開演唱會，但自爆因現時不能抱兒子玩，有點不開心。提到韓團Big Bang隊長G-Dragon前日在曼谷失足墮台，阿智認為舞台上潛伏不少危險：「所以觀眾熱情還熱情，千祈唔好走上台。」
同場的蔡一傑表示是為創業的外甥仔撐場，而蘇志威指攀石有很多元素，三小時都不夠玩。