馬德鐘 陳玉蓮行善拉頭馬

藝人馬德鐘與陳玉蓮名下的愛駒「快樂實在」昨日出賽慈善盃賽跑第一，首次為愛駒拉頭馬的馬德鐘，開心大讚牠好乖仔：「練馬師話佢狀態唔錯，估唔到佢發揮到表現，同上次出賽差好遠，好開心，而且係慈善盃，我哋不嬲都鍾意做善事，係雙重意思。（請食紅蘿蔔當獎勵？）未，下次要攞畀佢食，之前又跑過第二和第四，都有獎金，一路都自給自足，自己養到自己，今次嘅獎金都會繼續放喺度畀佢。」馬德鐘希望愛駒將來有機會跑大盃賽，再下一城，他說馬場是一個好好的社交場合，可維繫朋友感情，好友陳玉蓮亦坦言鍾意博彩。