冧笑默認戀情蔡卓妍冇打算閃婚

歌手蔡卓妍（阿Sa）昨晚於紅磡出席活動，同場有洪卓立與女友湯怡及陳凱琳等藝人。被指與百億麻雀館太子爺石恆聰拍拖的阿Sa心情特別靚，一見到好友鄭伊健就攬實影相，更被揶揄：「我怕人哋嬲喎！」記者恭喜阿Sa有新戀情，她即甜笑講多謝，但未有回應是否已拍拖兩個月，只透露：「總之依家就開心啦！（男友前度連詩雅都恭喜你哋！）多謝！（連詩雅想復合？）茶餘飯後嘅嘢唔講咁多啦，唔係重點，重點係生活。」有指她已融入男方家中，與其家人打麻雀，她笑笑口表示不想講太多，又指自己一把年紀，問到是否「趕住嫁」？她否認：「一把年紀啫，唔等於趕住嫁，今日咁熱，你哋唔好咁對我啦！」

唔Share男友優點

阿Sa直言未有想過閃婚，問到會否怕再婚？她坦言沒想太多：「最緊要活在當下，依家好開心。（欣賞男友乜嘢？）自己知就得啦，唔使同人講，唔關其他人事。（拍拖通常去邊？）救命呀！唔講喇！我哋好短時間咋，唔好成日(目及)住我生活啦！(目及)住我工作就好啦！」而她於活動結束後就乘七人車返回港島寓所。

洪卓立和湯怡情侶檔出席活動。	陳凱琳一身打扮仙氣十足。	鄭伊健替蜜運中的阿Sa高興。

伊健：要享受過程！

曾與阿Sa合作拍電影的鄭伊健表示看報道才得知對方拍拖，問到可會替久未拍拖的阿Sa開心？他笑說：「好耐冇拍拖咩？係咪影唔到咋？都戥佢開心，大個啦，最重要係享受過程！」此外，蜜運中的阿Sa人逢喜事精神爽，連帶其主演電影《原諒他77次》的票房也節節上升，於內地上映一周已收接近4,000萬人民幣。

文：影視組