楊洛婷佗B似老公？

懷孕6個多月的前港姐楊洛婷日前透露，老公Tim變成「管家」管理她的起居飲食，確保家中有足夠生果及牛奶。她透露夫妻關係好：「佢幾聽我話，冇乜拗撬，一齊11年，溝通好好，知我鍾意乜，唔會激嬲我。我哋成日傾，佢每做完一個Job都會打畀我，問我食咗飯未，做嘢做成點，我哋好多溝通，每晚瞓前都會有半個鐘至九個字傾偈，佢會成日講I Love You，我喺你身邊，好Sweet。」