陶大宇天公眷顧開工避過大雨

演慣警務人員的陶大宇（中）飾演飛虎隊頭目，其他演員紛紛向他取經。

為內地網絡電影《爆裂女警》於香港拍攝外景的陶大宇，日前在灣仔街道取景，新戲中大宇演飛虎隊的頭目，在一項任務中與隊員有不少交流戲份，對演慣警務人員的大宇而言，只要着起「大Sir」制服便型警上身，同場演飛虎隊的演員不時向他學習，希望感染一下其型警氣質。

拍完即落雨

不過，近日香港暴雨連場，日日落大雨，而大宇的出現，卻令《爆》片的工作人員十分擔憂，紛紛笑說：「有大宇（大雨）即係開唔開到外景呢？」不過，爭氣的大宇獲天公眷顧，當晚較早時分一直下着大雨，奇迹卻在「大宇」晚上到外景場地準備拍攝時出現，突然停雨，導演及一眾工作人員均十分雀躍，因為不用誤時拍攝！

陶大宇等埋位期間，不忘逗玩貓貓。	正式拍攝時突然停雨，令陶大宇頻呼好彩。	陶大宇不時被要求合照。

大宇則順利完成戲份之餘，亦為自己「大雨」之名爭番口氣，他笑言：「開工前我一直喺餐廳等停雨，到正式埋位一刻，竟然停咗雨，真係好彩，可以順利拍咗自己嘅戲份。不過到我拍完就開始落雨，雖然我心裏覺得好彩，但就辛苦咗一班繼續要開工嘅演員同事。」

文：影視組