仙樂都打泰拳齋喊
性感女星「仙樂都」吳堯堯（YoYo）及柯嘉琪（Kiko）日前出席火鍋店開幕活動，兩人最近工作甚多，YoYo狂接內地網絡電影，更擔正一套院線大電影，有不少喊戲，她稱很高興可以發揮演技而不用性感。近月狂打泰拳的YoYo穿緊身裙晒收身成果，她透露最近有格鬥真人騷邀約，但她拒絕了對方：「落場打仲未得，而且我係學泰拳，唔係自由搏擊，同埋我打親人或者畀人打都會喊。」
至於Kiko除參與電影及ViuTV劇集《詭探》，亦有修讀催眠治療課程及法文，以及到內地及台灣工作。問是否回復單身後更投入事業？她說：「不嬲都努力工作，但同時都忙搵男友！（多人追？）多咗好多，但再觀察吓先，近排識咗啲台灣同大陸男仔，發覺始終係香港男仔細心啲。」