一個人睇驚慄片黃意雅：對作曲有幫助

新進歌手黃意雅（Cynthia）日前到電台宣傳新歌《失散》，講到入行後最想見到的藝人，她透露自己非常喜歡薛凱琪，希望能在工作時碰到對方：「我想將自己（口既）簽名碟送畀佢，我都有買過佢（口既）唱片，可以搵佢簽名。我之前一個人去睇佢（口既）演唱會，好似毒男咁！」又自爆經常一個人去睇戲：「我身邊啲朋友都驚睇驚慄片，但我覺得聽呢啲片（口既）配樂對我作曲有幫助，因為有時都會做啲微電影（口既）配樂。」Cynthia表示簽唱片公司前，曾參加過很多歌唱比賽，不但累積到演出經驗，亦可改善自己不足：「我細個會怯台，用咗好耐時間克服，主要係會手震，同埋我試過一次好霸氣咁走音，因為嗰時有少少怯一怯，但依家就唔會。」