可宜接Job一腳踢

前有線娛樂台主播可宜早前約滿有線，回復自由身，暫時自由接洽工作。問到她有否不習慣的地方？她表示沒有：「做咗嘢咁多年，依家可以去吓長旅行，因為之前好難有一個好長嘅假期。」可宜透露現時開設公司自行接洽工作，暫時自己一腳踢：「其實都開心嘅，因為之前都冇機會去接觸呢啲嘢，之前做主播，角色比較被動，但依家自己接洽，個主導性強啲。」問到會否嘗試做YouTuber？她說：「其實都有人提議我咁做，可能下一步啦。（想做咩方面？）都係圍繞生活，講女仔扮靚，又可以講吓寵物。」