硬食莊思敏「波餅」林敏驄痛到噴晒水
藝人林敏驄、林盛斌（Bob）、張繼聰與莊思敏等，日前到元朗為新片《西謊極落：太爆‧太子‧太空艙》拍攝煞科戲。劇情講述眾人不幸炒車，在車輛連環翻轉期間，身在車中的林敏驄不慎一頭撼向低胸莊思敏，硬食「波餅」的他噴晒水，一臉痛苦！
莊思敏講到請林敏驄食「波餅」，笑言零尷尬更大讚對方風趣：「同大師（林敏驄）冇合作過，佢個人very nice，好搞笑。今次個角色幾得意，係個刁蠻有錢女，但冇腦到頂點，會炫富，結果畀人綁票，過程中遇到呢幾個太空艙室友，佢哋救我之後反而發生好多意外。」而電影公司老闆蕭定一與合資的愛奇藝代表亦有到場支持，更與台前幕後開香檳慶祝煞科。
