衛詩雅多重性格嚇親人
入行九年的衛詩雅去年接下不少電影，今年是收成期，先後有六套電影上映，戲中角色沉重的有電影《失眠》、有愛情片，亦有喜劇《喵星人》，那怕是抑鬱情緒、樂天童真、甜蜜開心，都難不到她，戲接戲的她直言現實中的自己最難演：「你問我，我唔識做現實嘅衛詩雅，我拍戲會將一半自己投入角色，咁我會有安全感，舒服啲。我覺得自己係多重性格，但唔知係咩性格，所以人哋會覺得同緊唔同人相處咁。」
學識自我控制
衛詩雅透露前男友覺得她一拍戲，就完全變成第二個人，覺得好辛苦：「對演員嚟講係冇問題嘅，但我身邊人都好驚，佢好似唔知同緊邊個人講嘢。可能我今日好多嘢講、好活潑開朗，但聽日就好怕醜、唔講嘢，兩個人性格、語氣都唔同，要睇嗰排入咩角色，十足另外一個人咁。其實我係刻意代入去，令到身邊人辛苦，我都唔好意思，可能呢個方法做戲係冇問題，但做人就有問題。」
她強調不是未能抽離角色，只是少少迷失自我，現在要學懂自我控制，幸而近期飾演的角色都很正常，未有問題出現。
文：名人組
服裝： Reebok
化妝： Cyrus Lee
髮型： Sing tam