羅天宇轉移視線拉劉佩玥落水

藝人羅天宇及劉佩玥（Moon）等，昨日於觀塘出席無綫節目《築．動．愛》外景探班。與湯洛雯傳緋聞的羅天宇，被問到日前女方出活動時表示不排除閃婚，甚至被同場的黎諾懿暗爆對象是羅姓男子，天宇即笑指黎諾懿「亂噏」。

呻難追未拖手

問到他是否已向緋聞女友湯洛雯求婚？他即否認：「梗係唔係啦！（了解中？）了解咗好耐。（拖過手仔？）冇呀，我諗黎諾懿都係想幫吓手。（幫你手追湯洛雯？）佢好難追。」天宇說罷又扯開話題，搞笑自爆想轉移目標至身旁的劉佩玥：「我都差不多轉目標，放棄。Moon都幾好呀，又單身。」Moon聞言急落閘說：「你唔好拉我落水！」但她透露與天宇會於新劇合作。問到天宇會否擔心與Moon日久生情？Moon就拉好友陳瀅落水：「咁對象一定唔係我，因為佢劇中對手係陳瀅。（想撮合佢哋？）我諗住迴避，咪拉佢落水。」

湯洛雯	劉佩玥 「咪借我過橋！」（設計對白）	羅天宇笑言想轉追劉佩玥，女方聞言落閘速逃。

事業有成先諗

問到天宇覺得湯洛雯、劉佩玥及陳瀅邊個最好？他笑言唔識答。問到幾時開始追求湯洛雯？天宇透露兩人拍劇集《愛·回家》時認識，怕醜大讚湯洛雯：「佢好supportive，當時我哋係新人，應付重要場口時會鼓勵對方，NG時佢會叫我加油。」問到天宇與女方之間尚欠甚麼？天宇直言要等事業有成：「我都唔知我差啲咩。（約會過？）有食過飯。（表白咗？）冇咁白，等事業有成先。」

文：影視組