今屆香港小姐前日展開首輪面試，不乏高學歷參賽者。港姐麥明詩舊愛、前大律師林作昨日在社交網留言：「連續第三年有律師朋友參選。高學歷嘅人投身幕前，睇怕已成趨勢。讀得書多嘅人識得跳出自己嘅comfort zone，係社會之福。」他還上載參賽者Flora Tsui的相片。
據Flora的社交網顯示，她去年開始做律師，當時還上載身穿律師袍的照片。記者聯絡林作，問是否認識Flora？他說：「佢係我朋友嘅前度女友，之前係做事務律師。舊年底佢約我出嚟話唔想做，問我有乜嘢大計，冇同我講選港姐。」又承認麥明詩都認識Flora，直指這行圈子細。不過，麥明詩受訪時表示不太記得Flora，提到多高學歷人士參選，會否怕地位受威脅？她笑指會自我增值：「搵食艱難，係要有啲創意。」
此外，前日穿旗袍面試的Sophia，昨在社交網澄清自己來自浙江，現在港讀書，擁有香港身份證，符合報名資格，並表示男友並非富二代。另一面試者「便利店姐姐」Charlotte被網民起底，指她去年曾在社交網批評父母及自爆曾有輕生念頭，又揚言今年要參選港姐！