陳嘉桓貪浪漫想閃婚
藝人陳嘉桓（Rose）、冼國林、伍衛國以及筱靖前晚出席農圃餐飲集團旗下火鍋店「圃鍋」開張活動，以一身古銅膚色現身的Rose，剛從內地拍完無綫節目《Amazing Summer》返港，她笑說：「節目監製話曾拍呢個節目嘅女藝員桃花好旺，之前葉翠翠同吳若希都嫁咗，佢話輪到我同雨僑喇，但我男友都冇喎！」
Rose坦言單身兩年，但經常被兩歲大的弟弟冧爆，更視對方為小情人，至於真姻緣，她說：「朋友冇乜介紹（男友）畀我。（想要乜嘢條件？）接受我做呢行啦！」雖然未有男友，但她直言接受閃婚，更說：「我覺得好浪漫！」
筱靖重新出發
筱靖早前因與拍檔出現問題，旗下餐廳需暫停營業重整旗鼓，現在心情似乎平復不少，她說：「都處理咗好多問題喇，依家重新整理緊業務，打算下個月再開業，餐廳會重新命名，自己亦再投資7位數重新出發！」
同場的伍衛國笑言現時生活以吃喝玩樂為主，稍後會為音樂人林慕德作品展站台。64歲的他保養得宜，透露茹素及做運動養生，談到再拍劇，他笑說：「我冇做小生好耐，記性唔好，拍劇唔夠時間讀劇本，生吞蛇我點得呀？」