劉佩玥暗撻周志文搵陳瀅掩護上海培情

劉佩玥與周志文被爆暗撻！本報接獲讀者爆料，指二人不時在Instagram打情罵俏，Moon日前於ig上講負面說話，當晚大孖即到Moon與陳瀅的住所開解她，更抱住陳瀅的狗向Moon示愛，甚至半夜到對方家中睇戲，翌日更齊齊出動到山頂郊遊。為了保護愛苗，他們每每找來陳瀅做「電燈膽」，實行將戀情密冚。

「跟得夫人」陪打波

二人撻着其實有迹可尋，今年4月，大孖與Moon齊齊飛到上海，「擋箭牌」陳瀅亦有同行。三人返港後，大孖出席籃球比賽，Moon就如「跟得夫人」般到場打氣，二人亦有共同密友，如翟威廉、何雁詩等，他倆更不時到翟威廉家中玩Live唱歌，順道培養感情。

記者昨日致電Moon問她與大孖拍拖一事，她先澄清當日上山頂的是大孖的細佬周志康，她搞笑地說：「連陳瀅都分唔到佢哋，佢真係好蠢！」又謂已沒有與陳瀅同住，至於與大孖的關係，她說：「我哋一向係好朋友，成日一齊食嘢、玩live、唱歌，又有好多共同朋友，咁多年都係好朋友，關係好好，唔使諗其他嘢！」至於在網上寫完負面說話即獲大孖關心，她冧爆說：「我有出書嘅計劃，心情好同差都會寫得感性啲，咁有人留意我都開心嘅！」

提到昨日在社交網上載腳傷相，Moon透露是為拍劇學揸電單車，但不慎撞向石壆令左腳受傷，雖未傷及筋骨，但扭傷左腳及腰。問到大孖可會陪她覆診，她又冧笑說：「無論係佢定陳瀅陪我，都係好朋友關心！」至於可有發展機會？她說：「我好耐冇拍拖啦，拍拖結婚離我好遠，我要養家。（畀男友養？）我接受唔到，鍾意自己賺錢自己使！」問到大孖是否她喜歡的類型，她大讚對方心地好，但男女之情就未想過。

讚好女仔心地好

而大孖受訪時亦掩不住對Moon的關愛之情，他得知對方撞車即勁緊張，除了介紹跌打醫生，又叮囑Moon要萬事小心，直言「人包鐵」很危險。問到可有發展空間？他說：「我哋識咗四年啦，佢係好女仔，心地好好。（追佢？）冇諗喎！」他又澄清沒有上過對方家中，抱陳瀅愛犬合照是早前聚會時拍下。至於陳瀅被問到要為好友掩護而化身「電燈膽」，她說：「上海我哋一班人去，我都有去，大家識咗好耐，都三年幾，大家會一齊去玩、去旅行，冇乜特別嘅！」

文：影視組