王浩信淚浸結局 網民推做視帝

藝人宣萱、王浩信、唐詩詠等前晚到馬鞍山與觀眾齊齊欣賞熱播劇《不懂撒嬌的女人》大結局，無綫昨日公布《不》劇結局平均收視為27.3點，最高29.3點，約190萬觀眾收看，成為今年大結局最高收視劇集！而劇集累計視頻瀏覽量，截至前日已達10,280,000！雖然全劇平均收視為24.3點，屈居於《親親我好媽》的25點，但已是今年二線劇集最高收視。

撇仔有苦衷

王浩信飾演的Saving在《不》劇結局爆喊，獲網民讚應攞視帝，他昨日透過短訊回應：「多謝各界鼓勵，見到畫面播番好多回憶片段，我都睇到喊，可以感動大家，我覺感恩，攞唔攞獎，我平常心，大家覺得我有能力角逐，我當攞咗！」

同劇的唐詩詠昨日為無綫劇《棟仁的時光》開工，對於有網友不太滿意劇情交代她決意離開Saving，她解釋：「都同編審傾過，交代得唔太清楚，其實係Saving有婚姻恐懼症，我唔想婚後佢日日食藥啫！（有指特別版結局多餘？）最後條片冇交代係幾時同邊個階段，可以當係一個開始，其實原本個Sad Ending已經係結局，Sad有Sad嘅好，係好現實嘅結局！（開續集？）監製話要睇大家反應，我都想同浩信再合作，個故事係可以繼續寫落去！」

此外，無綫取得香港區獨家播映權的《英格蘭足總盃決賽》，平均收視達10.3點，最高收視有12.3點，成績不俗。

文：影視組