林雅詩見過鬼怕黑 唔敢再同人合資

Grace表示剛剛得知這消息：「之前冇聽佢提起，因為大家平時多數分享開心事，所以啱啱聽到都覺得愕然。（慰問佢或者金錢上幫助佢？）暫時唔會打擾佢住，佢應該好煩惱，有咩需要幫到就幫，點都支持佢。」Grace亦透露自己十多年前亦發生過類似事情，她稱當年常要在幕前工作，沒有時間打理寵物店生意，故將生意交給拍檔打理：「嗰時有啲數同貨唔見咗，自此之後，我開時裝同飾物店都係自己打理，冇再同人夾，最多同媽咪夾，因為屋企人點都唔會呃我。」她透露當時損失達六位數字，令她決定不再與拍檔合資做生意。

至於Uny則無限量撐筱靖：「嗰啲係佢細業務，冇乜特別，我哋平時都有交流生意心得，今次對佢影響唔大，係損失少少錢，我做姊妹嘅會支持佢。（有冇同你呻？）一齊面對，佢係女強人，遇到問題唔會畏懼，佢有足夠能力。」