袁文傑陪你睇直播紅噹噹撐阿仙奴
今屆英格蘭足總盃決賽將於周日凌晨零時30分開波，一眾球迷可以在翡翠台免費收睇這場「阿仙奴」火併「車路士」的決戰。身為阿仙奴星級球迷的袁文傑因熱播劇《不懂撒嬌的女人》而爆紅，將與同樣是阿仙奴粉絲的陳百祥（阿叻）擔任嘉賓與球迷齊齊睇波。
講到睇直播撐愛隊，袁文傑表示不擔心表情太肉緊成為話題：「我諗搵得我都係想睇呢個效果！到時會着紅色支持，一見我個樣都知我係阿仙奴躉！（有冇興趣講波？）講波要好專業，我哋只係評論，講波留畀鍾志光。（到時『游生』上身？）如果係可能會趕鍾仔出錄影廠！」阿叻表示已收到公司通知亮相直播，講到未曾與袁文傑合作過，他笑說：「佢都係阿仙奴球迷？咁相信好快會打成一片！」