楊羚左鄰右里齊心抗賊

藝人楊羚與楊天經昨日為ViuTV節目《晚吹──總有一件喺左近》錄影，家住元朗錦綉花園的楊羚，直言該處治安一般，但勝在鄰居守望相助，如早前屋苑曾發生入屋打劫事件，鄰居即開設手機群組，並實行人盯人方法，每發現可疑人物，便拍下對方容貌於群組廣傳，呼籲眾人要小心，更謂：「我哋裝嘅CCTV都會互相錄影到大家屋企外觀，再加上咁多鄰居對眼，近排真係少好多劫案，同埋大家感情好，所以冇諗住搬走。」