羅仲謙揀唔到靚盤入市夢再碎！

男星羅仲謙與老婆楊怡去年拉埋天窗，婚後謙謙事業起飛加大力度吸金，財政大權則由太太阿怡掌管，二人租住大埔比華利山，準備睇準機會入市。其實謙謙早在婚前已有置業大計，二人曾被拍得雙雙排隊買將軍澳「緻藍天」，可惜當時超額認購未被抽中，築愛巢的計劃只好延後。

近期樓市持續向上，但仍無阻謙謙入市的雄心壯志！荃灣新盤「海之戀」第一期昨日開售，吸引上千買家到場揀樓，現場人龍不絕。謙謙戴上口罩及眼鏡低調現身，未想到他會親身到場與一眾買樓人士齊齊逼！

心儀兩房單位

據知，謙謙所抽的籤號比較後，未能揀到心目中靚盤，而他屬意兩房單位，樓價價單約千二萬。他直言現場人頭湧湧，買到靚盤機會不大，問到會否等第二輪抽籤？他說：「睇到自己心水畀人買咗，都會等下次，仲有其他座數都未出。」謙謙又坦言買樓可保值，今次純粹投資心態，並非打算自住。

楊怡隔空打氣

阿怡亦有接受電話訪問，講到老公到場買樓，她好支持老公，又認為心儀樓盤地區不是問題，她說：「都係投資咋，我冇去，因為有工作在身，聽講情況好受歡迎，我唔知佢依家情況如何呀！希望佢好運啦！」雖然阿怡為老公打氣，但當記者再聯絡謙謙問有否成功認購，他表示搞足5小時，最終未能買到心頭好，入市夢再度落空！

文：影視組