大部分人養寵物不是貓就是狗，名媛諸葛紫岐公司旗下歌手曾傅君（Rex）比較另類，養了一隻刺蝟，現已八個月大。Rex回想初初養牠時，無數次被刺到手流血，一度想過放棄：「佢個名叫豬鼻，因為佢聞到嘢食嗰陣，個鼻好似豬咁嘟起郁吓郁吓好得意。其實我有次喺寵物網站見到有網友有隻刺蝟媽媽，生好多刺蝟BB，佢話養唔到咁多隻，搵人幫手養，咁好奇之下就要咗一隻。」
Rex指養刺蝟是一門高深學問，因為牠們天生比較細膽及沒有安全感，適宜獨居：「初初同佢相處都幾難，佢只要聽到聲，或聞到你經過，就會好驚即時蜷起身體，啲刺會豎起晒，我都有啲驚。我每日都伸手入籠畀啲嘢佢食、同佢玩、幫佢清理籠、沖涼，每次接觸佢都拮到隻手好痛，成手都係血，所以要有一段緩衝期，差唔多三個星期佢先慢慢熟悉我嘅味道，開始接受我。養佢係好需要耐性，佢一旦知道你係佢熟悉嘅味道，佢會好親近你，瞓喺你手掌上，喺你手上行，你經過個籠佢會伸個鼻出嚟，好得意。」Rex教大家養刺蝟的要訣，刺蝟主要食貓糧，摸牠時不可以逆毛摸，否則很容易被刺傷。
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
