許志安想組明星桌球隊

歌手許志安與香港桌球手傅家俊昨日到觀塘拍攝ViuTV節目《約咗傅家俊》，安仔自爆想組織明星桌球隊：「以前我同張衞健、梁漢文同蘇志威打波，張衞健球技有神來之筆！（即係符碌？）我唔識寫，咪話佢神來之筆囉！我自評圈中排名頭16，因為都唔知有冇16個人打！有諗過組織明星桌球隊，但唔多人打，算！」而傅家俊則大讚安仔好波：「我識咗佢廿幾年，一路都打得好，頭先一cue打出28度，算好。（你平時一cue打幾多度？）百幾！」