高海寧畀人鬧勁開心
藝人高海寧（高Ling）和王浩信等昨日宣傳無綫劇《不懂撒嬌的女人》，同場的李天縱亦性感晒線亮相。大晒香肩的高Ling笑言近日因劇情講述她出言陷害林文龍而捱鬧，但直言感到開心：「連續幾晚畀人鬧，反應好好，（有難聽說話？）話我好衰，我好開心！」
高Ling指稍後有幕挑逗林文龍的戲份，更搞笑自爆要撩對方充滿胸毛的心口：「挑逗反而唔係尷尬，我肢體語言好硬，拍兩take都唔得。（你平時點攬男友？）我可能粗魯啲，就咁攬埋去。今次要用手指撩佢心口，（佢心口好多毛？）隔住衫撩，唔知呀！」
王浩信近日被封「暖男」，他直言要歸功編劇寫出浪漫感情線。談到太太陳自瑤讚他是100分暖男，他笑說：「多謝，我唔夠100分，唔夠時間陪家人。」浩信預告稍後劇情相當催淚，自己睇結局時亦淚崩。
