唐詩詠鬧多事：等我招呼吓佢！

藝人袁偉豪（Ben）、唐詩詠、黃長興及朱晨麗等昨日為無綫新劇《棟仁的時光》試造型及拜神，劇中Ben會到處搵人錫以吸收別人的時間，劇情帶點奇情，而演救護人員的詩詠亦跟其他演員有不少人工呼吸鏡頭。近日詩詠與男友洪永城傳分手，兩人日前回答感情問題都支吾以對，更令人對這段感情存疑。由於前晚《不懂撒嬌的女人》劇組及幕前演員相約飯敍，獨欠詩詠，出席的林文龍、宣萱、高海寧、王浩信、江嘉敏和楊潮凱於現場玩直播，因為粉絲於直播時不停問詩詠蹤影，浩信即口多多說詩詠去咗結婚，還叫大家不要相信她和男友的情變傳聞！

避談免多揣測

詩詠演出《棟》劇因有人工呼吸的另類咀戲，被問到現在拍親熱戲是否更輕鬆？她說：「做演員要放低，係劇情一部分的話我唔介意。（唔使同人交代？）不嬲同自己交代。（冇感情包袱？）唔講喇！（你同洪永城冇見幾耐？）唔講喇！以免多揣測。」她透露跟洪永城有聯絡及良好溝通，兩人有共識，在適當時候會向大家交代：「多謝大家關心。（王浩信話你去咗結婚！）佢咁多事，等我招呼吓佢！（段感情樂觀？）人生都係樂觀，就算有辛苦嘅嘢都過去，都要樂觀，無論點都係成長。（近排有冇喊？）冇拍喊戲喎！（你畀人影到同一班女仔出街，係咪訴苦？）有男有女嘅，識咗十幾年，係慶祝生日 。（感情問題同結婚有關？）劇集還劇集，加埋我啲經歷，大家會混淆咗，但唔存在呢個問題。」

洪永城	朱晨麗	袁偉豪（左）和黃長興相識十多年終有機會合作，二人都十分高興。

袁偉豪：可以搵我傾

對於詩詠與洪永城傳分手，Ben表示不知情，早前分手的他被問會否以「過來人身份」安慰詩詠？Ben說：「我哋都係金牛座，大家在心中，但如果佢有唔開心，可以搵我傾吓。」

文：影視組