霍啟文瞞住屋企認戀Mango

現年36歲的藝人王秀琳（Mango）被本報獨家踢爆，秘撻霍震寰幼子、現年29歲的霍啟文！兩人被影到拍拖夜會兼拖手仔，霍啟文昨日公開承認與Mango剛開始發展，又讚Mango是好女仔，據知兩人由朋友介紹認識。但啟文媽咪霍陳琪琪對兒子拍拖一事全不知情，昨日她電話回覆：「我都係啱啱先知件事，無可奉告，我都想了解。（向囝囝了解？）打過畀佢，佢唔得閒同我講，我都唔知有呢個人（指Mango），唔識佢。（老公霍震寰會唔會知？）佢都唔知。」