英國22歲跳水王子戴利（Tom Daley）與拍拖兩年的42歲奧斯卡金像編劇未婚夫Dustin Lance Black傳今日拉埋天窗，不過友人認為曾爆連環偷食的戴利根本未定性，不適合早婚！
據英國《太陽報》報道，戴利與Dustin今日舉行婚禮，在親友面前成為合法伴侶。雖然是大喜日子，但身邊友人都有隱憂，全因戴利曾被爆連環偷食，有知情者說：「佢哋會喺一個好正嘅地點結婚，心情都好興奮，但有啲朋友認為佢哋應該慢慢嚟，因為雙方經歷過好多事。呢半年對佢哋嚟講係好艱難，分咗手一排，最近先重新建立關係，婚姻可能會令佢哋更有壓力！」
戴利與Dustin於2015年10月宣布訂婚，惟今年初兩度被爆背Dustin偷食，首先被爆去年與一名男粉絲玩裸聊，並不停發訊息邀請對方在倫敦見面。除此以外，他於2月又趁Dustin出國工作期間，與身高6呎6吋的27歲大隻男模Edward William偷食，互傳情慾短訊外更有「身體接觸」，曾帶回家激戰連場，姦情長達18個月，戴利事後曾揚言不會再偷食。
雖然盛傳結婚在即，但戴利前日在Instagram上載躺臥醫院病床的用餐照，並留言：「殺唔死你嘅嘢會令你更強大！#運動員生涯，好快就返嚟。」估計他是訓練時不慎受傷。
文：外娛組