琦琦出自家珠寶品牌

名模琦琦昨日出席活動，透露建立了自家珠寶品牌，月中推出首個系列，包括頸鏈、手鏈、耳環等，她說：「籌備咗年半，有80至100個items。（搵囡囡Ella做model？）係，針對唔同市場。」續透露老公任達華最近出席馬來西亞活動時，已率先試戴，她說：「佢品味咁好，畀好多意見我，有讚。啲朋友仲好捧場，已經訂定首飾，我話唔好咁快買晒我啲貨，始終設計到起模需時！（實體店賣？）網上店，營運一年半先開舖，儲多啲經驗先。」琦琦前晚更與好友洪華、馬詩慧與老公王敏德，以70年代打扮出席好友舉行的BBQ燒烤會。