殯儀達仁破地獄開騷

身兼藝人及經理人角色的陳達仁，入行前從事廿多年殯儀生意，更創先河於年尾舉行四場殯儀talk show，用黑色幽默帶觀眾體會不一樣的感官旅程！陳達仁曾做過喃嘸師傅破地獄，亦有開設棺材舖，透露talk show將有瘋狂想法：「一開場會有師傅破地獄，仲會有dancers跳舞，其實係想呈現畀大家睇先人去到極樂世界就係咁樣，更會分享好多黑色幽默，例如後人拜祭先人時嘅搞笑事，例如祭奠先人嘅酒應該是灑在地上，但有人試過自己飲咗。」
（左）安喜兒寧願唔讀書，返香港加入娛樂圈。<br>（右）陳達仁為追夢曾擔任臨時演員，爭取經驗同機會。
（左）安喜兒寧願唔讀書，返香港加入娛樂圈。
（右）陳達仁為追夢曾擔任臨時演員，爭取經驗同機會。

從小想當演員的他，曾修讀不少演藝課程，為餬口才從事殯儀生意，但一直對演藝事業的火沒熄過，陳達仁說：「我唔甘心到老都只係一個生意人，所以就開始着手拍攝有關殯儀嘅節目，希望條路有所改變，期間看盡人情冷暖。」

安喜兒棄讀大學

此外，陳達仁坦言想借經驗去幫助他人完成夢想，因而發掘了藝人安喜兒。安喜兒透露剛從加拿大讀完中學回港，雖然家人想她完成大學學位，但自己卻回港追夢：「想做model，因為覺得女仔最靚就係讀大學嗰幾年，讀大學就會嘥咗啲青春。」

文：音樂組

攝：劉斌

髮型：Ben Hung、Dick Cheng、Douglas Yuen @ Reborn Hair

化妝：蔡思婷 @ 仁媒創意文化

服裝：Pause & ponder / CHICTAG

場地：The Luxe Manor