黃美棋送愛心喊到變豬頭

藝人黃美棋及樂隊主音男友鍾健威（Ray）日前「情侶檔」擔任慈善活動愛心大使，與殘疾兒童及低收入家庭到訪高雄三日兩夜。美棋表示每次做大使都喊到變「豬頭」收場：「有上年經驗已經好啲，今次同Ray一齊去，但我都係喊到豬頭咁！（整喊埋男友？）見佢好多位都眼紅紅。」Ray全程化身隨團魔術師氹小朋友，美棋就做助手負責「陪玩陪食」，她買下一堆護身符送給小朋友，望能保他們健康平安。