藝人陳啟泰和趙詠瑤（Kimi）昨日出席網劇開鏡儀式，谷胸晒線的Kimi自爆在劇中整容上癮，更會鬼上身失控畫花自己塊面，認真恐怖。曾為美容院代言而在眼、鼻動過刀整容的她，直言最後悔抽脂隆胸：「本身我B Cup，整完之後去到E、F Cup，但唔Last得耐，一路退到依家C尾、D頭，同埋因為層皮撐大過，會變得冇咁Firm，唔值得。」而陳啟泰在劇中演「警世教主」，婉拒了客串整容醫生的邀請：「唔想好似喺亞視咁，七點又係我，八點又係我。」
