徐綺雯同泊車員爭執一肚火！
名媛徐綺雯前日在社交網發文，指在西貢吃飯後與泊車人員發生爭執，對方態度欠佳，未幾更無故有十多名男女包圍其座駕，令她大驚。不過，昨日卻有讀者爆料講出另一版本，記者聯絡到與她爭拗的泊車事主，他反指是徐綺雯情緒激動，其後座乘客更不斷舉中指及爆粗，雙方各執一詞。
徐綺雯前晚在Facebook發文透露遇上不快事，稱前晚與家人在西貢用膳後，到咪錶取車離去，但有泊車人士突然着她下車，她說：「佢叫我停車，問我係咪整花咗佢架車，跟住我就停咗架車，落車問佢要唔要報警？跟住佢就好大聲講：『我依家問吓啫！』我問佢：『咁你依家想點？』」
斥損香港形象
爭執期間，有十多名男女圍着她的車，徐綺雯見狀即時返回車上，叫老公報警，惟不知是否撥錯號碼，得到「廣東話請按1字」的語音指示，隨即掛線。徐綺雯指泊車人士目睹他們打電話，人群便陸續散去！事後徐綺雯表示很憤怒：「爸爸有台灣朋友來香港，就帶他來吃海鮮，卻遇上這樣的事，有損香港形象！」
讀者爆料另有版本
惟另邊廂，有讀者昨日向本報爆料指目睹當時情況，記者並聯絡到該位泊車人員賴生，他講出與徐綺雯相反的版本：「嗰晚佢準備喺錶位出車，我見佢出車時好貼，以為佢揩到另一啲客人嘅車，咁我就叫佢停車睇睇了解，佢一落車就問乜事？又話報警，話自己係唔識揸車，我話都係問吓啫？當時佢後座有個男乘客仲係咁向我舉中指，又講晒粗口咁，周邊街坊聽到就嚟觀望吓，嗰啲只係途人。」總之雙方各有說法！
文：名人組