克勤陪太子捉棋 呆等10粒鐘！
歌手李克勤昨日聯同洪卓立（Ken）、泳兒、羅力威及鍾舒漫出席活動，講到復活節期間，克勤陪大仔李立仁（Ryan）出席校際象棋比賽，他說為了支持兒子而等足十粒鐘：「由朝早八點等到傍晚六點，但比賽又冇得入去睇，全日我就行嚟行去，又坐喺車度等，最後阿仔嗰組都攞到第三名！（有你陪住，阿仔好開心？）都係，因為係好少機會。」
搵譚炳文唱兩嘴
近日克勤忙於錄新碟及九月舉行的演唱會主題曲，問到上載了和譚炳文（炳哥）合作的短片？克勤坦言：「就係搞緊演唱會首歌，首歌入面會有《舊歡如夢》，所以就搵原唱者即係炳哥嚟唱兩句。（炳哥身體如何？）知佢之前患感冒，但見佢都好精神吖，行動自如呀！」
洪卓立唔會秘婚
另外，Ken計劃6月和女友湯怡去日本或台灣旅行，屆時會為網上頻道拍片，問到可會倣效孫耀威在外地秘婚？Ken竟然說：「我好羨慕佢呀，因為覺得旅行結婚係好浪漫嘅，我哋都想，但應該唔會住。」
至於泳兒對母親病況好轉，心情輕鬆不少，又感激父親照顧媽咪，她說：「媽咪冇瘦到，反而我同爸爸都瘦咗十幾磅。」
文：音樂組