胡定欣「浴」搏兩日當浸溫泉

藝人胡定欣昨日返電視城拍攝無綫劇集《宮心計2深宮計》，提到早前與馬浚偉拍攝鴛鴦出浴戲，她透露拍足兩日：「不過我暫時未有假放，就當去咗日本浸溫泉！我哋話嗰個池就矜貴囉，周秀娜、劉心悠同黃心穎都浸過！我拍嗰陣外面落雨，所以有啲凍，同埋我哋浸完啲水溫又會降低，工作人員要整番熱啲水，我哋仲話：『咁咪即係叮番熱佢囉！』哈哈！」