藝人杜如風日前被指「撬人牆腳」，與好友兼化妝師Jenny的男友Alvin傳緋聞。杜如風昨日透過助手以短訊回覆本報，否認緋聞兼澄清Alvin是其助手，又笑言Jenny要為自己平反：「呢樣（報道）勁搞笑，笑料一樁！呢個其實係我助手嚟o架，所以咪咁貼身囉！同埋我嘅好姊妹兼御用化妝師Jenny話一定要澄清，雜誌話佢男友幫佢搞嘅生日會，其實係我一手一腳幫佢搞嘅，唔關佢男友事。哈哈！」
