送「小海綿」當禮物黃曉明母親節慳番！
Angelababy今年1月中為黃曉明誕下兒子「小海綿」，這位新手爸爸昨日與劉亦菲以品牌形像大使身份出席在北京舉辦的天梭表Ballade系列發布會。曉明自爆升呢爸爸後變得成熟，亦十分稱職：「我有湊B、餵奶、換片同掃風，每日好享受同囝囝一齊，見證佢成長。」他又笑言現時手機都是「小海綿」的照片，經常分享可愛片段給他人觀看。當自己工作時，家人亦會傳兒子的靚相給他一解相思之苦。
借錶敬老婆Baby
提到母親節，曉明表示會為「小海綿」送上品牌腕錶給老婆，作為第一年過母親節的紀念，至於送甚麼給媽媽？他說：「我覺得媽咪依家幾開心，因為有孫抱！相信佢都唔需要特別禮物，孫仔係最好嘅禮物。」他又直言快到40歲「不惑」之年，但因平時勤做運動，令外表看上去比實際年輕：「自己心智愈來愈成熟，情緒管理上好好多，唔會太在意別人想法，自己快樂最重要！」曉明指與動作巨星史泰龍合拍的電影《逃亡大計2》已完成，仍未遇上合適想演的角色，反而覺得屋企更重要，希望多留時間陪伴家人：「依家我只想做喜歡嘅事同令媽媽開心。」至於Baby近期復出錄影綜藝節目《奔跑吧》，踢爆老公是「超級奶爸」，每朝起身一直對BB叫「爸爸、爸爸」。
劉亦菲等好劇本
同場的劉亦菲則表示小時候擁有的第一隻腕錶是電子錶，很想參與設計腕錶。工作方面，她透露今年會為三部電影做宣傳，之後或會接拍新戲，希望遇到好劇本，樂於接受不同挑戰。
文：名人組