王君馨教老公三招定驚

藝人王君馨日前穿上紅色開胸透視長裙性感亮相，出席舞台劇獎頒獎禮及負責頒發「最佳配樂」獎。她接受東網巨星訪問時透露，主演劇集《心理追兇》全靠配樂營造恐怖氣氛，又自言重睇劇集都覺得恐怖：「雖然自己知道對白同埋劇情點發展，但加埋配樂都恐怖咗好多，令我睇完都失眠咗幾個鐘！」

提到即將舉行的婚禮，君馨笑言老公Daniel當日見到記者應該會緊張，準備幫他抹汗：「我叫佢到時禮貌地笑得o架啦，笑、揮手、派利是，搞掂！如果開始緊張就鞠躬行開，我到時會幫佢抹汗。」她透露雙方現時仍分開住，希望集兩人之力買到大屋。