請坤坤歎「家宴」薛家燕：唔係食我隻豬！
藝人薛家燕、歌手李克勤等前晚錄影無綫節目，對於近日有酒家推出「薛家宴」套餐疑似惡搞，家燕主動澄清真有其事，更大講有味笑話：「唔係食薛家燕隻豬，係食乳豬全體，冰鎮鮑魚都有得食！」笑爆全場！
薛家燕、李克勤、露雲娜和陳潔靈等前晚錄影無綫節目《流行經典50年》，家燕對於節目收視好直言感到開心，又透露自己剛從美國登台回港，指當地有觀眾收看此節目。對於近日有酒家推出套餐，並命名為「薛家宴」，疑似惡搞，就連吳業坤都分不清楚是惡搞還是真有此套餐！家燕主動提起事件，透露是與酒家合作而推出的套餐，並大講有味笑話：「網友問係咪即係食薛家燕隻豬！唔係，係食乳豬全體，冰鎮鮑魚都有得食！」她又笑指如果吳業坤想食會請對方食：「請埋佢食十字步麵條！」至於可會擔心被網友惡搞？她笑說：「當宣傳囉！」
李克勤力邀陳慧嫻做嘉賓
將於九月舉行入行30周年演唱會的克勤，現已開始宣傳工作，除了在節目大唱多首經典金曲之外，亦會與無綫合作拍攝音樂特輯，並於母校取景。不時回母校演唱的他，希望可邀請陳慧嫻做嘉賓，因二人讀書時已認識：「我學校同佢學校有聯校活動，嗰時已經識，當時佢係少男殺手，早我兩年入行！」談到張學友表明不參加內地歌唱節目，他表示有留意消息，並說：「每個人都有喜好，冇話應唔應該上，開心咪上囉，冇所謂。（認受性低？）家家有本難唸的經，每一個歌手做每一件事都有唔同原因。」
文：影視組