原子鏸戀摩洛哥男Ready結婚
近期鮮有在港露面的原子鏸（Marsha），去年底閉關籌備個人歌舞劇《綠茶遇著麻糬》，故事內容講述以手機apps談論愛情。日前她接受本報專訪時透露，劇中加入其過往的戀愛經歷，但由於當年與舊愛鄧健泓拍拖時並非由手機apps開始，故未有把之放入故事中，反而有提及曾與一名年輕9歲的外籍男士拍拖，她說：「對方好靚仔，後來先發現佢細過我9年，佢未ready一段認真關係，大家timing唔啱就分手。喺我嘅愛情觀入面，依家只可以接受細我3年嘅男仔，當然大過我嘅男仔會好啲，可以照顧我。」
唔會跳steps生B
Marsha又自爆現時與一位來自摩洛哥、比她年長兩年的男士拍拖半年，男友亦已過其母親一關：「媽咪都想我搵到一個可以照顧我同令我開心嘅男仔。（預備結婚？）唔知，都未求婚，太快啦，雖然我都ready。（想生小朋友？）唔係一定要，唔畀自己壓力。（有咗BB先？）唔會跳steps，大家都傳統。」Marsha更甜絲絲指已安排了與男友的故事在劇中尾部，但擔心嚇怕對方，故不會邀請他上台。
文：影視組
攝：唐豁莊
場地：Studiodanz