楊千嬅倒吊擘髀挑戰人體奧妙展
楊千嬅日前為新片獻出「第一次」挑戰空中瑜伽，期間練習凌空「腿張開」的拉筋姿勢時，被倒吊至怒髮衝冠，更痛到嗌救命！她笑言經此一役，日後可以挑戰更高難度的動作：「下次可以晉級去做人體奧妙展表演！」
主演電影《春嬌救志明》的藝人楊千嬅、陳逸寧及閻清等日前玩空中瑜伽，千嬅笑言為電影首次接觸該運動，練習時更練到嗌晒救命！她在導師協助下「半天吊」拉筋，被倒吊至面紅耳赤及怒髮衝冠，挑戰凌空「腿張開」的拉筋姿勢時，一度痛到面容扭曲兼「嘴嘟嘟」，頻頻高呼「好痛」！她笑言險些拉筋拉到抽筋，又表示被離心力嚇怕：「我從來冇做過，有難度，離心力都令我幾驚！不過想繼續學，因為今次獲益良多，發現身體機能嘅可能性，下次可以晉級做人體奧妙展表演！」
至於陳逸寧同樣高呼「頂唔順」，更做到右腳抽筋，要坐在一旁休息，面露痛苦表情的她解釋太用力及太緊張所致：「抽筋到要暫停同坐低抖抖！」同場的閻清技高一籌，一Take過挑戰空中「大字馬」，她透露小時候勤於練舞，加上平日有做運動，故筋絡較鬆。
復活節賣甩囝囝
另外，千嬅前晚出席晚宴，提到雖然在今屆香港電影金像獎頒獎禮沒有提名，但笑言同樣緊張：「啲人炒到個氣氛好好，我都會去！」她現時忙於宣傳電影及Sound track，下周將飛到不同地方做宣傳，復活節假期無暇陪兒子旅行，問到兒子可有為此扭計？她說：「佢知道我化妝就要做嘢，就唔肯瞓覺，仲拎走我個手袋或者放Lego落我隻鞋。」
文：影視組、名人組