藝人梁烈唯昨日到大角咀出席新片開鏡，提到鄭俊弘與何雁詩拖手現身機場，他說：「呢單新聞都好難留意唔到！我同Fred（鄭俊弘）識咗好多年，大約十年前已經一齊拍劇。（知唔知佢感情生活？）唔知，呢方面佢一向低調，上次同佢去拍節目，大家有傾偈，佢有問我結婚嘅嘢，但掛住講我嘅嘢，都冇時間講佢自己，所以唔係好清楚。」他又指日前與吳若希及林盛斌等人飯局：「主要係吳若希想佢先生知道做人爸爸會面對嘅實際情況，我都分享咗好多我同太太點去迎接BB嘅經驗！」