葉念琛開劇影帝影后拍住上

影帝黃秋生、影后惠英紅及導演葉念琛昨日於會展,出席由Fox Network Group製作的華語迷你劇《心冤》發布會。同樣有份主演的影帝謝君豪目前不在港,故拍下短片作支持。葉念琛於台上笑言只傾一次,就成功拉攏兩位影帝及影后合作:「我唔係認叻,同佢哋傾咗一次就肯做,三位前輩都好錫我。」他於台上表示與Fox合作令自己夢想成真,更特意為惠英紅安排一場「一個打五十個」的動作戲。至於好耐冇拍劇集的惠英紅大讚劇本好好,又透露內容尺度甚大:「有可能出現肢解、姦屍及食屍等。」

而與惠英紅演夫妻的秋生,笑言其角色一開始就失蹤,故大呻「唔識演」:「都唔知點演,隱形咁!(有血腥場口?)唔知,未睇劇本。(酬勞滿意?)一般,好耐冇與惠英紅合作。」