顏子菲怕凍收埋咪咪
藝人顏子菲、何浩文和梁嘉琪等前晚到圓方出席慈善首映。顏子菲以綠色低胸裙性感示人，她說：「唔係性感，我覺得係型格，今日着皮褸同皮靴。（再性感係咪着吊帶？）依家冬天凍呀，等隆重場合先，今晚係防癌活動，唔想搶咗個focus。」
何浩文原本計劃與女友到台灣過聖誕，但要與甄子丹拍戲要告吹。他說：「女友冇詐型，佢體諒嘅，叫我做嘢先，講笑話佢自己去喎。（送咩禮物？）想親手整，可能整個大飯團畀佢，食唔晒就要畀錢。」 記者提議「鴨王」何浩文用絲帶包着自己送給女友，他笑說：「我退咗役好耐，唔識整呢啲。」
