難得可以約到心儀嘅女仔出街，好多男仔都會千方百計留住佳人，愈留得耐就愈有機會「有下文」。不過，女仔通常都唔希望太夜返屋企，一來免被家人責怪，二來亦免於蝕底畀男方，不過又索又好惡嘅日本寫真妹吉木莉莎，就話最怕男仔唔夠進取，更希望每次出街都「有下文」添！
好多女仔都認為瘦就係靚，用盡方法節食減肥，以求令異性對自己刮目相看，提升吸引力，但有唔少例子卻係適得其反，最終瘦到過晒龍，甚至患上厭食症，樣貌同身材都走晒樣。其實，女仔唔使太瘦，只需要有少許骨感就足以令麻甩佬神魂顛倒，女士們不妨參考一下日本寫真女王吉木莉莎啦！
29歲嘅莉莎擁有一副被喻為五官合乎黃金比例嘅絕色美貌，明艷照人嘅面孔以及艷壓群芳嘅氣質，絕對可以話喺日本寫真界位列頂級，一顰一笑都能夠散發動人神采。除咗面孔，其身材亦一樣咁索，幾乎冇多餘肥肉，纖巧而帶點骨感，但骨感得嚟又具曲線美，達到肥瘦比例渾然天成嘅境界，誘人指數比起好多大波妹更高！
莉莎表示，當年嘅志願唔係諗住加入演藝界或寫真界，而係立志做漫畫家，後來見到早安少女組一班青春活潑嘅美少女喺舞台上載歌載舞，就令佢對演藝工作產生無限憧憬，更加膽粗粗去面試，希望成為早安少女組嘅成員，可惜落選收場。不過，一次失手不足以論成敗，面試落選無損莉莎成為歌手嘅決心，而某日佢喺原宿行街被星探發掘，就係咁成為咗歌手。其實，莉莎一向都對唱歌以及民謠素有功底，曾經喺民謠歌唱比賽奪得冠軍，做歌手可以話係開正佢嗰瓣。後來，莉莎嘅美貌同身材被賞識，繼而加入寫真界發圍，憑住魅力逼人嘅演出成功進身天后之列。
前年，莉莎就突破以惡女形象演出，令人耳目一新！之不過，知情人士指出莉莎嘅真面目的確係幾惡，而且仲幾好色添！對此，莉莎亦直認不諱，仲話每次同男仔出街都希望「有下文」，最怕就係遇到未夠十點就要講拜拜趕返屋企嘅男仔喎！嘩！咁我下次去日本一定要約莉莎出街喇！
簡介：吉木莉莎定時定候就會喺博客透露個人動向，例如近期佢除咗忙於做電視節目主持，仲準備推出新一本寫真集，大家想緊貼莉莎嘅消息，就要Click上去睇喇。
網址：http://ameblo.jp/yoshiki-risa/
年齡：29歲
身高：5呎4吋
三圍：32-23-34
撰文：賢