李施嬅被偷手袋損失近6萬

李施嬅早前以「港島區防罪大使」身份到工展會宣揚防罪意識，自言曾遇電話騙案，幸好夠機警才沒有受騙！不過，精明也有失威時，曾試過兩次銀包失竊，其中一次損失近六萬元！她肉赤地說：「第一次係我細個嘅時候被人偷咗銀包；第二次就損失慘重，試過有次我帶咗一個名牌手袋去一間餐廳食飯，將個袋放喺我隔籬櫈，原本諗住好安全，點知對面有張枱嘅人嘈交，我多事企起身望，望完坐低就唔見咗個袋，個袋連同裏面財物損失近六萬，真係好心痛！」TVB台慶頒獎禮在即，有份角逐視后的她直言冇信心，睇好姊妹胡定欣，亦因愛屋及烏，所以會投定欣緋聞男友陳展鵬一票。